عنوان: ایك بیوی‏، ایك لڑكے اور چار لڑكیوں كے درمیان وراثت كی تقسیم

سوال: میرے دادا کا مکان 550,000 روپئے میں بکا۰ ان کے اولاد میں 1 بیوی 2 لڑکے 4 لڑکیاں ہیں، جس میں سے ایک لڑکے کا انتقال میرے دادا کی حیات میں ہوگیا تھا۰ مرحوم لڑکے کی 2 لڑکیاں ابھی حیات ہیں، مطلب دادا کے انتقال کے وقت ایک بیوی ایک لڑکا 4لڑکیاں حیات اور مرحوم لڑکے کی 2 لڑکیاں حیات ہیں، ۰ اب بتائیں کی1بیوی 1 لڑکا، 4لڑکیاں اور 2 پوتیاں کو دادا کی میراث میں سے کتنے کتنے روپئے حصے میں آئیں گے۔

جواب نمبر: 17393101-Sep-2020 : تاریخ اشاعت

بسم الله الرحمن الرحيم

Fatwa : 193-220/B=03/1441

صورتِ مذکورہ میں دادا مرحوم کے مکان کی مالیت از روئے شرع 48 سہام میں تقسیم ہوگی جن میں سے آٹھواں حصہ یعنی 6 سہام ان کی بیوی کو ملے گا۔ ان کے بیٹے کو 14 سہام ، اور چاروں بیٹیوں کو 7-7 سہام ملیں گے۔ جو بیٹا ان کی حیات میں فوت ہو گیا، وہ اور اس کی دونوں لڑکیاں بیٹے کے ہوتے ہوئے محروم رہیں گی۔ شرعی تقسیم کا نقشہ یہ ہے۔

کل حصے   =             48

-------------------------

زوجہ         =             6

ابن          =             14

بنت         =             7

بنت         =             7

بنت         =             7

بنت         =             7

--------------------------------

روپئے کی تقسیم کسی حساب داں سے یا تحصیل کے پٹواری سے کرالیں۔