عنوان: مورث کی وفات کے بعد ترکہ کی تقسیم میں جلدی کرنی چاہیے

سوال: مفتی صاحب! میرے والد صاحب کا انتقال ہو گیا (انا للہ وانا الیہ راجعون) ۔ میرے والد صاحب کی تین بیویاں ہیں۔ پہلی اور دوسری بیوی کا انتقال ہو چکا ہے جب کہ تیسری بیوی حیات ہے۔ (۱) پہلی بیوی کی اولاد :۔ ایک لڑکا اور دو لڑ کیاں ہیں۔ (۲) دوسری بیوی کی اولاد:۔ ایک لڑکی ہے۔ (۳) تیسری بیوی کی اولاد:۔ دو لڑکیاں ہیں۔ تینوں بیویوں کی اولاد شادی شدہ ہیں۔ اب یہ گھر کی تقسیم کرنا چاہ رہے ہیں۔ والدہ چاہتی ہیں کہ ان کے انتقال کے بعد تقسیم ہو، ہم تقسیم وارثین والدہ کے انتقال کے بعد کی تقسیم پر راضی ہیں۔ برائے مہربانی اس گھر کی تقسیم کا شرعی طریقہ تحریر فرمادیں۔ جزاک اللہ خیر

جواب نمبر: 15355901-Sep-2020 : تاریخ اشاعت

بسم الله الرحمن الرحيم

Fatwa: 1374-1353/L=11/1438

مورث کی وفات کے بعد ترکہ کی تقسیم میں جلدی کرنی چاہیے؛اس لیے ترکہ کی تقسیم جلد کردی جائے تقسیم کے لیے والدہ کی وفات کا انتظار نہ کیا جائے،اگر آپ کے والد کی وفات سے پہلے پہلی ،دوسری بیوی اورمرحوم کے والدین کی وفات ہو چکی تھی تو مرحوم کا تمام ترکہ بعد ادائے حقوقِ مقدمہ علی المیراث ۸/حصوں میں منقسم ہوکر ایک،ایک حصہ بیوی اور پانچوں لڑکیوں میں سے ہر ایک کواور دوحصے لڑکے کو ملیں گے۔

مسئلہ کی تخریج شرعی درج ذیل ہے :

بیوی                               =                                                                                       ۱

لڑکا                                 =                                                                                       ۲

لڑکی                               =                                                                                       ۱

لڑکی                               =                                                                                       ۱

لڑکی                               =                                                                                       ۱

لڑکی                               =                                                                                       ۱

لڑکی                               =                                                                                       ۱