عنوان: وارثین میں بیوی 6 بیٹیاں اور 5 بیٹے اہیں، ترکہ کس طرح تقسیم ہوگا؟

سوال: عرض ہے کہ اللہ رکھا بھائی کا انتقال ہوا انہوں نے ترکہ میں 70 لاکھ مالیت کی دو عمارتیں چھوڑیں وارثین میں بیوی 6 بیٹیاں اور 5 بیٹے اہیں، ترکہ کس طرح تقسیم ہوگا؟ جواب عنایت فرماکر عند اللہ ماجور ہوں۔

جواب نمبر: 15142101-Sep-2020 : تاریخ اشاعت

بسم الله الرحمن الرحيم

Fatwa: 943-918/N=9/1438

صورت مسئولہ میں اگر مرحوم اللہ رکھا نے اپنے وارثین میں صرف ایک بیوی، ۵/ بیٹے اور ۶/ بیٹیاں چھوڑیں اور مرحوم کے ماں باپ ، دادا، دادی اور نانی کا انتقال مرحوم سے پہلے ہی ہوگیا تھا تو مرحوم کا سارا ترکہ - بہ شمول متروکہ دو عمارتیں-بعد ادائے حقوق متقدمہ علی الارث ۱۲۸/ حصوں میں تقسیم ہوگا، جن میں سے مرحوم کی اہلیہ ( بیوہ) کو ۱۶/ حصے، پانچ بیٹوں میں سے ہر بیٹے کو ۱۴، ۱۴/ حصے اور چھ بیٹیوں میں سے ہر بیٹی کو ۷، ۷/ حصے ملیں گے۔تخریج مسئلہ حسب ذیل ہے:

زوجة                               =                                                                                       16

ابن                                =                                                                                       14

ابن                                =                                                                                       14

ابن                                =                                                                                       14

ابن                                =                                                                                       14

ابن                                =                                                                                       14

بنت                               =                                                                                       7

بنت                               =                                                                                       7

بنت                               =                                                                                       7

بنت                               =                                                                                       7

بنت                               =                                                                                       7

بنت                               =                                                                                       7

قال اللہ تعالی:﴿ فإن کان لکم ولد فلھن الثمن مما ترکتم الآیة ﴾(سورة النساء، رقم الآیة: ۱۲)، وقال تعالی أیضاً :﴿ یوصیکم اللہ في أولادکم للذکر مثل حظ الأنثیین﴾(سورة النساء، رقم الآیة: ۱۱)، فیفرض للزوجة فصاعداً الثمن مع ولد الخ (الدر المختار مع رد المحتار، کتاب الفرائض، ۱۰:۵۱۱، ۵۱۲)، ویصیر عصبة بغیرہ البناتُ بالابن الخ (المصدر السابق ، ص:۵۲۲)۔