متفرقات >> حلال و حرام
سوال نمبر: 3025
میں نے سوفٹ وئیر کی پڑھائی مکمل کی ہے اور ڈگر بھی مل گئی ہے، لیکن ہمارے علاقے میں نئے فارغین کی ضرورت نہیں ہے۔ میرے اندر کام کرنے صلاحیت موجود ہے۔ ایک میرے ایک دوست نے مشورہ دیاکہ کمپنی میں جعلی تجربہ پیش کردو اس سے ملازمت مل جائے گی۔ کیامیں ایساکرکے کمپنی میں داخل ہوسکتاہوں؟ اس سے میر ی آمدنی ناجائز تو نہیں ہوگی؟
جواب نمبر: 3025
بسم الله الرحمن الرحيم
فتوی: 220/ ھ= 148/ ھ
جعلی تجربہ پیش کرنے میں کذب و فریب ہے اور یہ دونوں ناجائز و گناہ ہیں، باقی کمپنی آپکو جو کام دے گی اگر آپ وہ کام صحیح انجام دے کر اپنی اجرتِ مقررہ حاصل کریں گے اس پر حرام ہونے کا حکم لاگو نہ ہوگا۔
واللہ تعالیٰ اعلم
دارالافتاء،
دارالعلوم دیوبند