عنوان:

کیا مرد اپنے جسم کے تمام بال بلیڈ سے صاف کرسکتا ہے؟

سوال:

کیا مرد اپنے جسم کے تمام بال بلیڈ سے صاف کرسکتا ہے؟ اگر نہیں تو جسم کی کس کس حصے کا بال صاف کرنا چاہیے؟

جواب نمبر: 126118-Sep-2023 : تاریخ اشاعت

بسم الله الرحمن الرحيم

فتوی: 837/ ج= 837/ ج

ڈاڑھی کے بال مونڈوانا یا ایک مشت سے کم پر کتروانا تو ناجائز و حرام ہے، اور مونچھ اور بغل کے بال اور موئے زیر ناف کی چالیس دن کے اندر اندر صفائی کرنا واجب ہے۔ ان کی صفائی میں چالیس دن سے زیادہ تاخیر کرنا ناجائز اور مکروہ تحریمی ہے۔ اور ان کے علاوہ جسم کے اور جو بال ہیں ان کی صفائی کرنا اور نہ کرنا دونوں جائز ہے، اگر صفائی کرے تو سر کے علاوہ اور جگہوں پر بلیڈ کے بجائے کوئی ایسی چیز استعمال کرے جس سے جسم کھردرا نہ ہو، ویسے بلیڈ کااستعما ل کرنا بھی جائز ہے۔