عبادات - حج وعمرہ

Pakistan

سوال # 5610

حج کی کیا شرطیں ہیں اور کن شرطوں کے پورا ہونے سے حج فرض ہوجاتا ہے؟ زید ایک سعودی شیخ کے یہاں ملازم تھے اور وہاں سے فرار حاصل کرکے آئے، وہاں جانے میں اپنی جان و مال کم از کم قید کیے جانے کا شدید خطرہ لاحق ہے۔ کیا اس صورت میں ان پر حج فرض ہے؟ اور کیا ادائیگی نہ کرنے پر یہودی ہوکر مرے یا نصرانی والی حدیث کے مصداق ہوگا؟

Published on: Jun 3, 2008

جواب # 5610

بسم الله الرحمن الرحيم

فتوی: 748=634/ ب


 


حج ہراس شخص پر فرض ہے جس کو اللہ تعالیٰ نے اتنی دولت عطا فرمائی ہو کہ جس سے وہ شخص اپنے وطن سے مکة المکرمة تک آنے جانے اور وہاں کے اخراجات پر قادر ہو اور واپس آنے تک اہل و عیال کے مصارف بھی بآسانی کرسکتا ہو اور راستہ کی رکاوٹیں نہ ہوں، ان تمام شرطوں کے ساتھ زندگی میں ایک مرتبہ حج فرض ہوتا ہے۔ اگر آپ کو سعودی جانے میں جان و مال کا شدید خطرہ لاحق ہے اور اس عذر کے زائل ہونے کی امید بھی نہیں ہے تو پھر آپ حج بدل کراسکتے ہیں، ان شاء اللہ مذکورہ حدیث کے مصداق نہیں بنیں گے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات