عبادات - حج وعمرہ

Pakistan

سوال # 171749

اس سال میں اپنے والد محترم کے ساتھ حج کی سعادت حاصل کرنے جا رہا ہو۔میرے والد صاحب معذور ہیں اور وہیل چیر پر ہوں گے۔ اب یہ پوچھنا ہے کہ کیا جب میں اپنے والد کو وہیل چیر پر طواف اور سعی کروا رہا ہونگا تو والد کے ساتھ میرا بھی طواف اور سعی ہوگا ،یا والد کو طواف اور سعی کروانے کے بعد مجھے اپنا طواف اود سعی کرنی ہوگی۔

Published on: Aug 6, 2019

جواب # 171749

بسم الله الرحمن الرحيم


Fatwa:982-840/sn=12/1440



والد صاحب کو طواف کراتے وقت اگرآپ اپنے طواف کی بھی نیت کرلیں تو اس سے آپ کا طواف بھی ادا ہو جائے گا، آپ کو الگ سے طواف کرنے کی ضرورت نہیں ،یہی حال ”سعی“ کا بھی ہے، والد صاحب کو سعی کرانے سے آپ کی سعی بھی ہوجائے گی،سعی میں نیت بھی ضروری نہیں، گو کر لینا بہتر ہے۔ (دیکھیں:معلم الحجاج ،ص:141، 162،ط: بشری)



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات