عبادات - حج وعمرہ

Pakistan

سوال # 166146

عمرے کے شرائط اور ارکان کتنے ہیں؟تفصیل سے ذکر فرمادیں۔

Published on: Oct 31, 2018

جواب # 166146

بسم الله الرحمن الرحيم


Fatwa : 189-162/M=2/1440



عمرہ کے افعال کل چار ہیں:



(۱) احرام باندھنا : عمرہ کا احرام حدود حرم سے باہر باندھنا لازم ہے۔ آفاقی کے لئے میقات سے یا میقات سے پہلے باندھنا لازم ہے۔ اور حدود حرم کے رہنے والے اور اہل حل پر لازم ہے کہ حدود حرم سے باہر حل میں جاکر عمرہ کا احرام باندھے۔



(۲) طواف کرنا۔



(۳) صفا اور مروہ کی سعی کرنا۔



(۴) حلق یا قصر کرنا۔



ان چاروں افعال میں سے احرام باندھنا عمرہ کے لئے شرط ہے اورطواف کرنا فرض ہے اور سعی اور حلق یہ دونوں چیزیں واجب ہیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات