متعلقہ سوالات

مکہ مکرمہ کی حالیہ توسیعی تعمیر ہورہی ہے جس میں موجودہ صفا او رمروہ زیر تعمیر ہیں، اس کے بازو میں صفا اور مروہ بنایاگیا ہے۔ کیا اس عارضی صفا اور مروہ پر سعی جائز ہے؟ جیسا کہ بعض علما اس کو ناجائز کہہ رہے ہیں۔

جواب نمبر 5985 سے متعلق: توسیع منیٰ-سعودی حکومت مزدلفہ میں منی کی حد کے باہر کچھ ٹینٹ لگارہی ہے۔ سعودی علماء نے فتوی دیا ہے کہ یہ جگہ منی تصور کی جائے گی اوراس کو منی کی توسیع کا نام دیا۔ ان دنوں بہت زیاد ہ بھیڑ کی وجہ سے سعودی حکومت منی کی حد کے باہر بھی کچھ ٹینٹ لگا رہی ہے اور یہ ٹینٹ مزدلفہ میں واقع ہیں۔ سعودی علماء نے فتوی دیا ہے کہ جگہ کی کمی کی وجہ سے یہ جگہ منی میں شمار کی جائے گی اورانھوں نے اس کو منی کی توسیع کا نام دیا۔ میرا سوال یہ ہے کہ اوپر مذکور اسباب کی وجہ سے اگر توسیع کی گئی ہے تو مزدلفہ کے درمیان حج کے دنوں میں اگر کسی شخص کا ٹینٹ اس جگہ میں ہے جوپہلے مزدلفہ کا حصہ تھا اور اب سعودی کہتے ہیں کہ یہ منی کا حصہ ہے اور وہ شخص اپنے ٹینٹ میں رہتا ہے تو کیا اس کے لیے اپنے ٹینٹ میں قیام کرنا درست ہوگا؟ اورکیا اس کا واجب ادا ہوجائے گا؟ اوپر مذکور صورت حال میں اگر وہ اسی جگہ اور ٹینٹ میں قیام کرتا ہے توکیا منی اور مزدلفہ کی سنتیں ادا ہوجائیں گیں؟ برائے کرم حوالہ کے ساتھ جواب عنایت فرماویں۔

کیا کوئی عورت محرم کے بغیر حج یا عمرہ اپنے منھ بولے کسی رشتہ دار کے ساتھ کرسکتی ہے یا نہیں؟ اگر کسی عورت کا محرم نا ہو تو پھر اس کے حج یا عمرہ کرنے کی کیا شکل ہوگی؟ آپ کی دعا کا طالب

میری ایک الجھن دور فرمادیجئے۔ الحمد للہ میں ایک باپردہ مسلمان عورت ہوں۔ مسئلہ یہ ہے کہ ہم یہاں بحرین سے روڈ کے ذریعہ عمرہ کے لیے جاتے ہیں پورا راستہ چہرہ نقاب میں رہتاہے کیوں کہ بہت سے مرد (نامحرم مسافر) ساتھ ہوتے ہیں۔ میں نے احرام باندھ کر چہرے پر کپڑا ڈال لیا تھا جو چہرے کو چھوتا رہا کیوں کہ چہرہ ننگا کرنے کا حوصلہ نہیں ہورہا تھا۔ اور یہ بھی پڑھا تھا کہ ?نبی کریم صلی اللہ علیہ وسلم امی عائشہ رضی اللہ تعالی عنہا سے غیر مردوں کے آنے پر فرماتے تھے کہ عائشہ نقاب گرالو?۔اب تو سارا حرم نامحرم مردوں سے بھرا ہوتا ہے مہربانی فرماکر مدد کیجئے کہ پردے کی کیسی صورت ہو؟یہ بہت مشکل لگتا ہے کہ سارے راستے یا پوری زندگی پردہ کرکے ایک دم پردہ اتار دوں، اللہ کا حکم منھ ننگا رکھنے کا بھی ہے۔ پردہ کس طریقے سے کرنا چاہیے؟ نیز کیا مجھ پر دم واجب ہوگیا؟یہاں ایک مقامی حنفی عالم صاحب نے بتایا کہ صدقہ کردیں۔ بہت سی مسلمان خواتین چہرے کا پردہ اسی جواز کی بنا پر نہیں کرتیں کہ جب اللہ کے گھر نماز میں چہرہ کھلا رکھنے کا حکم ہے تو چہرے کا پردہ نہیں اگر چہرے کا پردہ ہوتا تو سعودی حکومت کبھی چہرہ کھلا نہ رکھنے دیتی۔ اس بارے میں تفصیلی حوالہ دے کر بتائیں (لیکن حوالہ اردو میں دیجئے گا)۔ اللہ آپ کو اجر عظیم عطا فرمائے۔ میری پردے کی مشکل حل کردیں میرا اپنے میاں کے ساتھ حج کا ان شاء اللہ ارادہ ہے۔ دعا بھی کیجئے او ررہنمائی بھی فرمادیں کہ پردے کا کیا کروں؟

میرا سوال یہ ہے کہ میری بڑی بہن جو کہ غیر شادی شدہ تھی اس کا 22دسمبر2009کو انتقال ہوا۔ وہ سرکاری ٹیچر تھی۔ اس نے اپنے پیچھے پراپرٹی اور بینک بیلنس چھوڑا۔ میں سب سے چھوٹا بھائی ہوں اس کے ساتھ رہتا تھا۔ میں بے روزگار ہوں۔ میرے دو بچے ہیں ایک لڑکی جس کی عمر بارہ سال ہے اور ایک لڑکا جس کی عمر آٹھ سال ہے۔ وہ میری لڑکی کی شادی کے انتظامات کرنے کو اپنی ذمہ داری سمجھتی تھی۔اس کے اوپرہاؤس ٹیکس اور درستگی چارج اور دیگر کو ادا کرنے کی ذمہ داری تھی۔میرے پاس کچھ بھی نہیں ہے۔ اس کا بینک بیلنس اور دوسرے موجود نقد میری روزانہ کی ضروریات کو پورا کرنے کا واحد ذریعہ ہیں۔ میرے دوسرے تین بڑے بھائی سرکاری نوکری میں ہیں اور اپنی زندگیوں میں خوش ہیں۔ وہ لوگ مجھ سے کہہ رہے ہیں کہ اس کا نقد اور دوسرے زیورات اس کے حج بدل کے لیے دوں۔ میں یہ جاننا چاہتاہوں کہ کیا اس طرح کی صورت حال کے اندراس کا قرض ادا کئے بغیر اور دوسری ذمہ داریاں جوکچھ بھی ہوں ان کو پورا کئے بغیر حج بدل کرنا جائز ہے؟

كیا مسافر عمرہ كرسكتا ہے؟