عنوان: رمضان میں عمرہ کروں کہ نفلی حج کروں؟ کونسا بہتر اور افضل ہوگا؟

سوال: الحمد للہ! اللہ کی توفیق سے میں حج کرچکا ہوں، تو ابھی میں رمضان میں عمرہ کروں کہ نفلی حج کروں؟ کونسا بہتر اور افضل ہوگا؟ کیا نفلی حج امت کے نام سے کرسکتے ہیں؟ کیا نفلی حج نبی (صلی اللہ علیہ وسلم) کے نام سے کرسکتے ہیں؟

جواب نمبر: 15861001-Sep-2020 : تاریخ اشاعت

بسم الله الرحمن الرحيم

Fatwa: 606-488/B=5/1439

حدیث میں آیا ہے کہ جس نے رمضان میں عمرہ کیا اس نے میرے ساتھ حج کیا، یعنی رمضان میں عمرہ کرنے کی فضیلت اور اجر ثواب حج کرنے کے برابر ہے وہ بھی رسول اللہ صلی اللہ علیہ وسلم کی معیت میں حج کرنے کے برابر ہے۔ اور نفلی حج کرنے میں بھی بہت اجر وثواب ہے کیونکہ عمرہ کے مقابلے میں حج میں زیادہ مشقت ہے، آپ جو چاہیں کرسکتے ہیں، اپنی طرف سے عمرہ یا حج کرکے نبی پاک صلی اللہ علیہ وسلم کو اور تمام مسلمانوں کو اس کا ثواب پہنچا سکتے ہیں۔