عنوان:

میرا سوال یہ ہے کہ میں اس رمضان میں عمرہ کے لیے گیا تھا میرے ساتھ میرے ایک چچا ان کی بیوی بھی تھی اوروہ لوگ جلدی میں تھے واپس گھر جانے کے لیے کیوں کہ ان کے بچے گھر پر اکیلے تھے۔ چھ چکر کے بعد فجر کا وقت ہوا تو ہم لوگ رک گئے اور نماز ادا کی۔ اسی دوران مجھے خدشہ ہے کہ میری ہوا خارج ہو گئی تھی کافی بھیڑ ہونے کی وجہ سے اور میرے چچا کی گڑبڑ کی وجہ سے میں واپس جاکر وضو نہیں کرسکا۔ پھر میں نے فجر کی نماز کے بعد ساتواں چکر پورا کر کے واجب طواف ادا کیا۔ مجھے معلوم کرنا ہے کہ کیا مجھ پر دم واجب ہوگا یا پھرسے عمرہ ادا کرنا ہوگا؟ برائے کرم جلد سے جلدبتادیں۔

سوال:

میرا سوال یہ ہے کہ میں اس رمضان میں عمرہ کے لیے گیا تھا میرے ساتھ میرے ایک چچا ان کی بیوی بھی تھی اوروہ لوگ جلدی میں تھے واپس گھر جانے کے لیے کیوں کہ ان کے بچے گھر پر اکیلے تھے۔ چھ چکر کے بعد فجر کا وقت ہوا تو ہم لوگ رک گئے اور نماز ادا کی۔ اسی دوران مجھے خدشہ ہے کہ میری ہوا خارج ہو گئی تھی کافی بھیڑ ہونے کی وجہ سے اور میرے چچا کی گڑبڑ کی وجہ سے میں واپس جاکر وضو نہیں کرسکا۔ پھر میں نے فجر کی نماز کے بعد ساتواں چکر پورا کر کے واجب طواف ادا کیا۔ مجھے معلوم کرنا ہے کہ کیا مجھ پر دم واجب ہوگا یا پھرسے عمرہ ادا کرنا ہوگا؟ برائے کرم جلد سے جلدبتادیں۔

جواب نمبر: 1032331-Aug-2020 : تاریخ اشاعت

بسم الله الرحمن الرحيم

فتوی: 99=93/ ل

آپ نے چونکہ طواف کا اکثر حصہ وضو کی حالت میں کیا تھا اس لیے آپ کا طواف ادا ہوگیا، دم دینے یا دوبارہ عمرہ کرنے کی ضرورت نہیں، البتہ ایک چکر بغیر وضو کے کرنے کی وجہ سے آدھا صاع گیہوں آپ صدقہ کردیں۔