عقائد و ایمانیات >> حدیث و سنت
سوال نمبر: 147156
جواب نمبر: 147156
بسم الله الرحمن الرحيم
Fatwa ID: 365-405/M=4/1438
سن ۹ھ میں غزوہٴ تبوک کا واقعہ پیش آیا جس میں تین صحابہ شریک نہیں ہوسکے جب کہ وہ معذور بھی نہیں تھے، ایک کعب بن مالک ،دوسرے ہلال بن امیہ ، تیسرے مرارہ بن ربیع(رضی اللہ عنہم) ، غزوہ سے واپسی پر رسول اللہ صلی اللہ علیہ وسلم نے ان حضرات سے گفتگو کی ممانعت فرمادی تھی پورے پچاس دن اسی حال میں گذرے کہ کوئی ان سے سلام کلام نہیں کرتا تھا، پچاسویں دن ان کی توبہ قبول ہوئی اور ان کی معافی کا اعلان ہوگیا اور گفتگو کی ممانعت ختم ہوگئی۔ سورہٴ توبہ آیت نمبر ۱۱۸میں ان کا تذکرہ ہے اور فضائل اعمال حکایات صحابہ میں درمنثور اور فتح الباری کے حوالے سے واقعہ مفصل مذکور ہے۔
واللہ تعالیٰ اعلم
دارالافتاء،
دارالعلوم دیوبند