Pakistan

سوال # 170649

میں پی ایچ ڈی کی طالبہ ہوں ، میرے ساتھ مسئلہ یہ ہے کہ میری سپروائز رایک لیڈی ہیں جو مجھے مسلسل مختلف طریقوں سے پریشان کررہی ہیں اور میری پڑھائی اور تحقیق کے کام میں رکاوٹ پیدا کررہی ہیں، میں سپروائزربدل نہیں سکتی ، کیوں کہ اس میں کوئی آپشن نہیں ہے۔
براہ کرم، کوئی دعا یا وظیفہ بتائیں کہ میں ذہنی سکون کے ساتھ اپنی ڈگری مکمل کرسکوں۔

Published on: Jul 13, 2019

جواب # 170649

بسم الله الرحمن الرحيم


Fatwa:866-773/sd=11/1440



آپ چھوٹے بڑے تمام گناہوں سے بچنے کی کوشش کریں، اعمال صالحہ کا اہتمام کریں اور استغفار کی کثرت کریں، ان شاء اللہ آپ کی پریشانیاں ختم ہوجائیں گی اور آپ سکون محسوس کریں گی، حدیث پاک میں کثرت استغفار کی وجہ سے ہر طرح کی الجھنوں سے نجات کا وعدہ ہے۔



عن ابن عباس قال:قال رسول اللہ صلی اللہ علیہ وسلم:من لزم الاستغفار جعل اللہ لہ من کل ضیق مخرجاً ومن کل ھم فرجاً ورزقہ من حیث لا یحتسب، رواہ أحمد وأبو داود وابن ماجة(مشکوة )۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات