متفرقات >> دعاء و استغفار
سوال نمبر: 157846
جواب نمبر: 157846
بسم الله الرحمن الرحيم
Fatwa:484-378/sn=5/1439
(الف) مستند وظائف مثلاً معتبر درود، آیت الکرسی اور دیگر آیتیں اور ادعیہ خود بھی مقرر کرکے پڑھ سکتے ہیں؛ لیکن بہتر یہ ہے کہ کسی متبع سنت شیخ سے اپنا اصلاحی تعلق قائم کرلیں اور ان کی حسب ہدایت کم ازکم ان کے علم میں لاکر وظائف پڑھیں، اس میں زیادہ فائدے کی امید ہے۔ (ب) مناجاة مقبول اسی طرح زاد السعید (از حضرت اقدس تھانوی رحمہ اللہ) میں مستند وظائف، ادعیہ اور درود موجود ہیں اگر اپنے طور پر ہی وظائف پڑھنے ہیں تو یہ کتابیں حاصل کرکے ان میں مذکور وظائف واوراد وغیرہ حسب ہدایات موٴلف پڑھیں، ان شاء اللہ زیادہ فائدہ ہوگا۔
واللہ تعالیٰ اعلم
دارالافتاء،
دارالعلوم دیوبند