متفرقات >> دعاء و استغفار
سوال نمبر: 153929
جواب نمبر: 153929
بسم الله الرحمن الرحيم
Fatwa: 1390-1294/H=12/1438
گستاخیاں کرنا تو بہت معمولی سی بات ہے اُس شخص (احمد رضا خان بریلوی) کا حال تو یہ تھا کہ اس کو جن بزرگوں سے ذرا اختلاف ہوا تو ان بزرگوں کی عبارتوں میں کانٹ چھانٹ کتر بیونت کرکے کفر تک کشید کرلیتا، اس کے کچھ نظائر دیکھنے ہوں تو ایک کتاب انکشافِ حق ہے اُس کو دیکھ لیا جائے اس کتاب کے مصنف حضرت مولانا مفتی خلیل احمد صاحب بدایونی رحمہ اللہ تھے اور مفتی صاحب موصوف رحمہ اللہ ایسی شخصیت ہیں کہ جو اعلیٰ حضرت احمد رضا خان بریلوی کے اخص الخواص لوگوں میں تھے اور علمائے دیوبند کو کافر کہنے میں بھی سخت تھے مگر جب علمائے دیوبند کی اصل کتابوں کو دیکھا تو کافر کہنے سے کفِ لسان کرلیا بلکہ اصل کتابیں سامنے رکھ کر بریلویوں کو سمجھانے کی کوشش کی جس کی کچھ رپورٹ انکشاف حق میں بھی ہے، یہ کتاب دیوبند کے کتب خانوں میں قیمتاً دستیاب ہے۔ رحمة اللہ علیہ یہ جملہ دعائیہ ہے کہ جو اکابر وبزرگان دین کے نامِ نامی کے ساتھ عامةً اہل اسلام بہ طور دعا و تعظیم بولتے اور لکھتے ہیں، اہل بدعت جیسے احمد رضا خان اور اس کے متبعین کے نام کے ساتھ لکھنے سے احتراز کرتے ہیں، ہمارے بزرگوں میں سے کس بزرگ نے بریلویوں کو شیطانی لشکر کہا ہے وہ احقر کے علم میں نہیں ہے۔
واللہ تعالیٰ اعلم
دارالافتاء،
دارالعلوم دیوبند